BDU əməkdaşları, gənc tədqiqatçıları və tələbələrinin nəzərinə!
Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin Tədqiqat və innovasiyalar sektorunun müdiri Ziya Əliyev BDU-nun əməkdaşları, gənc tədqiqatçıları və tələbələri üçün “Yeni kvant materialları: Material dizaynı, tədqiqi və tətbiq perspektivləri” (“New quantum materials: Some aspects of materials design, characterization and application perspectives”) mövzusunda mühazirə deyəcək.
Mühazirədə kvant materiallarına ümumi baxış, onların səciyyəvi xüsusiyyətləri, təsnifatı və s. haqqında məlumat veriləcək. Bundan əlavə, yeni kvant materiallarının axtarışı, sintezi və onların monokristallarının böyüdülməsi problemləri, elektron-səth xüsusiyyətlərinin müasir tədqiqi üsulları, tətbiq perspektivləri, tələb olunan xassələrə uyğun material dizaynının əsas prinsipləri, yeni yanaşmalar, təcrübi və nəzəri metodlar haqqında müzakirə aparılacaq.