BDU əməkdaşları akademik Tofiq Hacıyevin xatirəsini anıblar
Bakı Dövlət Universitetinin (BDU) Fİlologiya fakültəsinin Türkologiya kafedrasının əməkdaşları Əməkdar elm xadimi, “Şöhrət” ordenli, Türkiyənin Atatürk Mədəniyyət, Dil və Tarix Yüksək Qurumunun fəxri üzvü, uzun illər kafedraya rəhbərlik etmiş akademik Tofiq Hacıyevin anadan olmasının 89-cu ildönümü ilə əlaqədar II Fəxri xiyabanda görkəmli alimin məzarını ziyarət ediblər.
Kafedra müdiri, professor Məhərrəm Məmmədov, filologiya elmləri doktoru Qızılgül Abdullayeva, İngilis dili (təbiət fakültələri üzrə) kafedrasının müdiri, professor Abbas Abbasov, elmi işçilər Ramil Bayramov və Pərvin Eyvazov mərhumun ailə üzvləri ilə birlikdə akademikin ruhuna dualar oxuyub, məzarı üzərinə gül dəstələri düzüblər.
Ziyarət zamanı Tofiq Hacıyevin Azərbaycan elmi və təhsili qarşısındakı misilsiz xidmətlərindən bəhs olunub, onunla bağlı xatirələr bölüşülüb.
