BDU-da Moskva Dövlət Geodeziya və Kartoqrafiya Universitetinin nümayəndə heyəti ilə görüş
Bakı Dövlət Universitetində (BDU) Moskva Dövlət Geodeziya və Kartoqrafiya Universitetinin nümayəndə heyəti ilə görüş keçirilib. Görüşdə BDU-nun elm və innovasiyalar üzrə prorektoru Hüseyn Məmmədov, beynəlxalq əlaqələr üzrə prorektoru Şahin Pənahov, Beynəlxalq əlaqələr şöbəsinin müdiri Rauf Həsənov, Moskva Dövlət Geodeziya və Kartoqrafiya Universitetinin beynəlxalq əlaqələr üzrə rektor müşaviri Svetlana Şvedova və Korporativ layihələr şöbəsinin müdiri İlya İzakson iştirak edib.
Qonaqlara BDU-nun tarixi, fəaliyyət istiqamətləri, elm, tədris fəaliyyəti və beynəlxalq əlaqələri haqqında ətraflı məlumat verilib. Moskva Dövlət Geodeziya və Kartoqrafiya Universitetinin nümayəndələri də ali təhsil müəssisəsindəki fakültə və ixtisaslar haqqında danışıblar. Sonra iki universitet arasında əməkdaşlığın mümkün perspektivləri müzakirə olunub.
