Geologiya fakültəsinin tələbələri BDU-nun Heydər Əliyev Muzeyini ziyarət ediblər
Bakı Dövlət Univüersitetinin (BDU) Geologiya fakültəsinin tələbələri Tələbə Həmkarlar İttifaqı Komitəsinin (THİK) təşkilatçılığı ilə Universitetin Heydər Əliyev Muzeyini ziyarət ediblər.
Muzeyin mütəxəssisi Afət Seyidzadə 1997-ci ildə Ulu Öndər Heydər Əliyevin şəxsi razılığı ilə Universitetdə fəaliyyətə başlayan Muzey haqqında tələbələrə ətraflı məlumat verib. Bildirib ki, Heydər Əliyev Muzeyi Ümummilli Liderin zəngin irsinin təbliği və öyrənilməsində mühüm əhəmiyyətə malikdir. Tələbələrə həm tarixi sənədlər, həm də fotoşəkillər vasitəsilə Ulu Öndərin xalqımıza bəxş etdiyi tarixi irs barədə ətraflı məlumat çatdırılıb.
Ziyarət iştirakçılarda böyük maraq doğurub. Tələbələr belə tədbirlərin gənclərin milli-mənəvi dəyərlər, dövlətçilik ənənələri və tarixi irs barədə biliklərinin artmasına mühüm töhfə verdiyini vurğulayıblar.
