BDU-nun professoru Qulu Məhərrəmli “Azərbaycan Televiziya və Radio Verilişləri” QSC-nin qonağı olub

SOSİAL 19 Yanvar 2026 18:02

Bakı Dövlət Universitetinin (BDU) Multimedia və elektron kommunikasiya kafedrasının müdiri, Əməkdar jurnalist, professor Qulu Məhərrəmli “Azərbaycan Televiziya və Radio Verilişləri” QSC-nin qonağı olub.

Görüş zamanı o, Azərbaycan dilinin efirdə istifadə xüsusiyyətlərindən, yol verilən səhvlərdən, diqqət olunmalı vacib məqamlardan bəhs edib, orfoepiya və orfoqrafiya qaydalarının qorunmasının əhəmiyyətindən söz açıb.

QSC-nin sədri Rövşən Məmmədov televiziyalarda Azərbaycan dilinin normalarının qorunmasının əhəmiyyətini vurğulayıb və AzTV-nin bu mövzuya həssas yanaşdığını bildirib.

Görüşdə aktual mövzular ətrafında maraqlı və faydalı fikir mübadiləsi aparılıb.