BDU-nun Filologiya fakültəsində “Söz” Yaradıcılıq Birliyinin görüşü keçirilib
-lg.jpg)
Bakı Dövlət Universitetinin Filologiya fakültəsində “Söz” Yaradıcılıq Birliyinin növbəti görüşü keçirilib.
Filologiya fakültəsinin sosial məsələlər və tələbələrlə iş üzrə dekan müavini Anar Fərəcov “Söz” Yaradıcılıq Birliyinin fəaliyyətinin daha da aktivləşməsi üçün görüləcək işlərdən, qarşıda dayanan əsas vəzifələrdən söz açıb. Bildirib ki, ölkənin tanınmış ədəbiyyat xadimlərinin Birliyin üzvləri ilə mütəmadi görüşləri təşkil olunacaq. Bədii yaradıcılıqla məşğul olan tələbələr Birlikdə fəaliyyət göstərərək daha da inkişaf edəcəklər. Gələcəkdə onların yazıları respublikanın bu sahə üzrə nüfuzlu mətbuat orqanlarında çap olunacaq.
BDU-nun Azərbaycan ədəbiyyatı tarixi kafedrasının professoru Vaqif Sultanlı Birliyin üzvlərinə uğurlar arzulayıb. Vaqif Sultanlı tələbələrə yazı texnikasının xüsusiyyətlərindən söz açıb, müasir ədəbi prosesi daim izləmələrini tövsiyə edib.
Görüşdə fakültənin II kurs magistrantı Gülay Tahirli, II kurs tələbəsi Ayna Əhmədli, I kurs tələbəsi Tərlan Allahverdiyeva öz bədii yaradıcılıqlarından nümunələr səsləndiriblər.
Daha sonra həmin nümunələrin geniş müzakirəsi aparılıb.