BDU-nun Elmi Kitabxanasında “Necə nəşr etməli?” mövzusunda vebinar
Bakı Dövlət Universitetinin (BDU) Elmi Kitabxanasının təşkilatçılığı ilə Azərbaycan Kitabxana İnformasiya Konsorsiumu çərçivəsində “Necə nəşr etməli?” (“How to get published?”) mövzusunda vebinar keçirilib.
Beynəlxalq nəşriyyatlarda məqalə nəşrinin müxtəlif aspektlərinə həsr olunan vebinar “Sage” nəşriyyatının əməkdaşları Cesika Lipovski, Melisa Knot, Derek Fişer və Lorianne Sarsfieldin iştirakı ilə keçirilib. Vebinarda məqaləni nəşr etmək üçün düzgün jurnal seçimi, məqalə təqdim olunmazdan əvvəl diqqət edilməli tələblər və s. məsələlərə aydınlıq gətirilib.
Sonda iştirakçılar tərəfindən verilən suallar cavablandırılıb.
“Jurnal məqaləsini necə yazmalı və düzəlişlərə dair məsləhətlər” (“How to write a journal article and advice on revisions”) mövzusunda növbəti vebinar iyulun 20-də keçiriləcək.
