BDU-nun dosenti vəfat edib
Bakı Dövlət Universitetinin (BDU) Jurnalistika fakültəsinin Beynəlxalq jurnalistika və informasiya siyasəti kafedrasının dosenti, Tarix elmləri namizədi Mazanlı İlham Abbas oğlu vəfat edib. 65 yaşında dünyasını dəyişən Mazanlı İlham 1973-1978-ci illərdə BDU-nun Jurnalistika fakültəsində təhsil almışdır. 2003-cü ildən Bakı Dövlət Universiteti Beynəlxalq jurnalistika və informasiya siyasəti kafedrasının dosentidir.
1996-2001-cı illərdə Azərbaycan Respublikası Nazirlər Kabineti strukturuda Beynəlxalq Humanitar Yardım üzrə Respublika Komissiyası İşçi qrupu rəhbərinin müavini, Qaçqınlarla və məcburi köçkünlərlə iş şöbəsi müdirinin müavini - Beynəlxalq humantar təşkilatlarla iş bölməsinin müdiri vəzifələrində çalışıb. 2001-2011-cı illərdə Beynəlxalq Miqrasiya Təşkilatının Azərbaycandakı Nümayəndəliyi Miqrasiya İformasiya Mərkəzinin direktoru vəzifəsində işləyib.
“Jurnalistika və müasir dövrün qlobal problemləri”, “Xarici ölkələrin müasir KİV sistemləri”, "Beynəlxalq həyat məsələlərinin KİV-də işıqlandırılması” və s. predmetlərdən mühazirələr oxuyub. Jurnalistikanın aktual problemlərinə aid 300-ədək elmi-nəzəri məqalənin və 5 kitabın müəllifidir.
Allah rəhmət eləsin!