BDU komandasının minifutbol üzrə “Zəfər” Liqasında böyük uğuru
Azərbaycan Futbol Federasiyaları Assosiasiyası (AFFA), Azərbaycan Könüllü Təşkilatları İttifaqı və Azərbaycan Gənclər Fondunun birgə dəstəyi ilə UEFA-nın “HatTrick” proqramı çərçivəsində könüllü, tələbə və gənclər təşkilatları arasında keçirilən minifutbol üzrə “Zəfər” Liqasına yekun vurulub.
Ümumilikdə 24 komandanın mübarizə apardığı turnirdə BDU könüllüləri gümüş medal əldə ediblər.
Final görüşünün ardından turnir üzrə fərdi nominasiyaların qalibləri də müəyyənləşdirilib. FHN könüllüləri komandasının üzvü Əli İbrahimov “Ən yaxşı qapıçı”, BDU könüllüləri komandasının üzvü Mügdət İbrahimli “Ən yaxşı oyunçu”, AFFA könüllüləri komandasının üzvü Cəfər Cəfərli isə “Ən məhsuldar oyunçu” nominasiyaları üzrə mükafatlandırılıb.
Sonda qalib komandaya kubok təqdim olunub. Kubok və müvafiq nominasiyalar üzrə mükafatlar AFFA-nın Kütləvi Futbol Departamentinin rəhbəri Fərrux İsmayılov və Azərbaycan Gənclər Fondunun Gənclər təşkilatları ilə iş şöbəsinin müdiri Nail Şükürov tərəfindən təqdim edilib.
