BDU-da yay imtahan sessiyası başlayıb
İyunun 7-dən etibarən Bakı Dövlət Universitetində (BDU) 2020-2021-ci tədris ilinin yaz semestrinin yay imtahan sessiyası başlayıb. Sessiya 02 iyul 2021-ci il tarixinə qədər gün ərzində 2 növbədə onlayn (məsafədən) davam edəcək.
İyunun 7-də 244 qrup üzrə 5603 tələbə (596 nəfər SABAH qrupu olmaqla) imtahan verib. BDU-nun Qazax filialında isə 517 tələbə imtahanlarda iştirak edib. Magistratura səviyyəsində 102 ixtisaslaşmada 59 fənn üzrə 425 nəfər imtahan verib. İmtahan prosesində heç bir neqativ hal müşahidə edilməyib.
İmtahanları BDU rəhbərliyi, dekanlar, kafedra müdirləri və Tələbə Nəzarət Qrupunun üzvləri müşahidə edir.
Qeyd edək ki, İmtahan sessiyasının təşkili və həyata keçirilməsi ilə bağlı İmtahan Qərargahı və Qaynar xətt yaradılıb. Qərargaha daxil olan hər bir şikayətin operativ araşdırılması məqsədilə Qərargahın nəzdində Apelyasiya Komissiyası fəaliyyət göstərir.