BDU-da “Necə nəşr etməli?” mövzusunda növbəti vebinar keçiriləcək
Bakı Dövlət Universitetinin (BDU) Elmi Kitabxanasının təşkilatçılığı ilə iyulun 20-də Bakı vaxtı ilə saat 19:00-da Azərbaycan Kitabxana İnformasiya Konsorsiumu çərçivəsində “Jurnal məqaləsini necə yazmalı və düzəlişlərə dair məsləhətlər” (“How to write a journal article and advice on revisions”) mövzusunda vebinarın ikinci buraxılışı keçiriləcək.
Vebinarda “Sage” nəşriyyatının əməkdaşları - nüfuzlu tədqiqatçı redaktorlar Cesika Lipovski və Cenifer Lovik iştirak edəcəklər. İngilis dilində sual-cavab sessiyası ilə keçiriləcək vebinarda iştirak üçün https://sagepub.zoom.us/webinar/register/WN_-n9al9BKRd2P-2QRwdu3fQ linkində qeydiyyatdan keçmək lazımdır.
Beynəlxalq nəşriyyatlarda məqalə nəşrinin müxtəlif aspektlərinə həsr olunan silsilə vebinarların iyul ayı buraxılışında akademik məqalənin yazılış qaydası, tədqiqatın strukturu, əlyazmanı təkmilləşdirmək üçün strategiyalar izah olunacaq, məqaləyə daxil ediləcək elementlər, eləcə də düzəlişlərin idarə olunması haqqında praktik məsləhətlər veriləcək.
Qeyd edək ki, “Necə nəşr etməli?” (“How to get published?”) mövzusunda ilk vebinar ötən ay keçirilmişdi.