BDU-da məktəblilər üçün infosessiya
Bakı şəhəri 270 nömrəli tam orta məktəbin X sinif şagirdləri üçün Bakı Dövlət Universitetində (BDU) infosessiya keçirilib.
Şagirdlər BDU-nun Heydər Əliyev, Genetika və təkamül, Faydalı qazıntılar muzeyləri, həmçinin Universitetin unikal layihəsi olan “Eko Məkan” ilə yaxından tanış olublar.
İnfosessiya zaman şagirdlərə son illər BDU-da aparılan yenidənqurma işləri, tədris prosesində tətbiq olunan yeniliklər, dəyişikliklər, Universitetin nüfuzlu beynəlxalq reytinqlərdə əldə etdiyi yüksək nəticələr, tələbələrin yerli və beynəlxalq uğurları barəsində məlumat verilib. Şagirdlər BDU ilə xarici ali təhsil müəssisələri arasında imzalanan əməkdaşlıq memorandumları və ikili diplom proqramlarının yaratdığı geniş imkanlar haqqında da məlumatlandırılıblar.
