BDU-da "İqlim dəyişmələrinə uyğunlaşma" mövzusu müzakirə olunub
Bakı Dövlət Universitetinin Coğrafiya fakültəsində "İqlim dəyişmələrinə uyğunlaşma" mövzusunda elmi seminar keçirilib.
Ekologiya və Təbii Sərvətlər Nazirliyinin, BMT-nin Yaşıl iqlim fondu və İnkişaf Proqramının "Milli uyğunlaşma planı" layihəsi çərçivəsində baş tutan seminarı Coğrafiya fakültəsinin dekanı Şəkər Məmmədova açıq elan edib. O, iqlim dəyişmələrinin öyrənilməsinin önəmini vurğulayaraq, bu istiqamətdə aparılan tədqiqatla diqqət çəkib.
Sonra professorlar Elçin Məmmədov, Çingiz İsmayılov, Zaur Əliyev, Rövşən Abbasov, Vafadar İsmayılov iqlim dəyişmələri ilə bağlı müxtəlif məruzələrlə çıxış edərək, seminar iştirakçılarını məlumatlandırıblar.
Seminar zamanı tələbələr arasında iqlim dəyişmələri və ətraf mühitlə bağlı "Kahoot!" platformasında interaktiv intellektual yarış təşkil olunub və qaliblər mükafatlandırılıb.
Sonda iştirakçıların seminar mövzusu ilə bağlı sualları cavablandırılıb.