BDU-da “İntihar hallarının qarşısının alınması” mövzusunda təlim
Bakı Dövlət Universitetində (BDU) Azərbaycan Respublikasının Gənclər Fondu, Azərbaycan Tələbə Gənclər Təşkilatları İttifaqı (ATGTİ) və Gənclərin İnkişafı və Karyera Mərkəzinin birgə təşkilatçılığı ilə “İntihar hallarının qarşısının alınması” mövzusunda təlim keçirilib.
Təlimdə BDU-nun şöbə müdiri Ramin Səmədov, Gənclər Fondunun əməkdaşı Çinarə Kazımzadə və ATGTİ-nin nümayəndəsi Aynurə Salmanlı çıxış edərək bu istiqamətdə həyata keçirilən layihələrdən danışıblar. Daha sonra LOQOS Psixoloji və Nitq İnkişaf Mərkəzinin psixoloqu Emin Səfərov son zamanlar gənclər arasında intihar hallarının artmasının əsas psixoloji səbəbləri (bullinq halları, psixologiyanın pozulması, ailə münaqişəsi, internetdən asılılıq, məcburetmə, erkən nigah, maddi durumun ağır olması, sosial problemlər və s.) və bunların aradan qaldırılmasının yolları barədə geniş məlumat verib.
Təlim işini interaktiv formada davam etdirib.
Təlimin həyata keçirilməsində əsas məqsəd təhsil müəssisələrində gənclər arasında maarifləndirmə işlərinin aparılmasından ibarətdir.
