26 iyun - Silahlı Qüvvələr Gününə həsr olunmuş sərgi
Bakı Dövlət Universitetinin Elmi Kitabxanasında 26 iyun - Silahlı Qüvvələr Gününə həsr olunmuş sərgi təşkil olunub. Sərgidə Azərbaycan və xarici dillərdə nəşr olunmuş Azərbaycanın ordu quruculuğunu, hərb tariximizi əks etdirən kitablar və dövri mətbuat materialları nümayiş olunur. Sərgidə Azərbaycan Respublikasının ərazi bütövlüyünün bərpası uğrunda 27 sentyabr - 10 noyabr 2020-ci il tarixlərində 44 gün davam edən Vətən Müharibəsi zamanı müzəffər Azərbaycan ordusunun keçdiyi şərəfli yoldan, Ümummilli Lider Heydər Əliyevin ölkədə hərbi quruculuq sahəsində gördüyü işlər, Azərbaycan Respublikasının Prezidenti İlham Əliyevin Azərbaycan ordusunu zəfərə aparan “dəmir yumruq” siyasətindən bəhs edən yeni nəşrlər xüsusilə təqdim edilib.
Sərgidə 100-ə yaxın ədəbiyyat nümayiş etdirilir.
