Fizika Problemləri ETİ-nin növbəti onlayn seminarı keçirilmişdir.

11.02.2021-ci il tarixində Fizika Problemləri ETİ-nin növbəti onlayn seminarı keçirilmişdir.
Seminarda “Biofizika” şöbəsinin aparıcı elmi işçisi, fizika üzrə elmlər doktoru, Gülşən Ağayeva “Bioloji fəal peptid molekulların fəza quruluşlarının spektral və nəzəri hesablama metodları ilə kompleks tədqiqi” mövzusunda məruzə ilə çıxış etmişdir.
Məruzəçi göstərmişdir ki, bioloji fəal peptid molekullarının fəza quruluşları və konformasiya imkanları müxtəlif tədqiqat üsulları vasitəsi ilə öyrənilmiş, alınmış nəticələr müqayisə və təhlil edilmişdir. Tədqiqatlar nəticəsində təcrübi və nəzəri üsullarla müəyyən edilmış quruluş elementlərinin müqayisəsi onların qiymətlərinin dəqiqləşdirilməsinə səbəb olmuşdur. Məruzədə tədqiq edilmiş biomolekulların fəza quruluşlarının və konformasiya imkanlarının müəyyən edilməsi, onların quruluş-funksiya əlaqələrinin öyrənilməsi və yeni farmakoloji əhəmiyyətli analoqlarının yaradılması üçün vacib olması göstərilmişdir.
Daha sonra Gülşən Ağayeva verilən sualları cavablandırmış, aparılan hesablamaların xüsusiyyətlərini izah etmişdir.