Qazaxıstanın L.N.Qumilyov adına Avrasiya Milli Universiteti “WELCOME TO ENU” akademik mobillik proqramına müraciətləri açıq elan edir
Qazaxıstanın L.N.Qumilyov adına Avrasiya Milli Universiteti “WELCOME TO ENU” akademik mobillik proqramına müraciətləri açıq elan edir. Bu proqram tələbələrə 2024/2025-ci tədris ilinin yaz semestrində akademik mobillik təcrübəsi qazanmaq imkanı yaradır.
Proqram çərçivəsində aşağıdakılar nəzərdə tutulur:
· Ödənişsiz təlim: Tələbələr qazax, rus və ingilis dillərində tədris olunan kursları seçə bilərlər.
· Ödənişsiz yaşayış: Beynəlxalq tələbələr üçün rahat və müasir tələbə yaşayış yerləri təklif olunur.
· “Welcome Center”: Beynəlxalq tələbələrin sözügedən universitetin akademik mühitinə rahat inteqrasiya etməsi üçün dəstək və resurslar təqdim edilir.
· Tələbələr müxtəlif mədəni və maarifləndirici tədbirlərdə iştirak etmək imkanı qazanırlar.
Yalnız bilet və yemək xərcləri tələbələr tərəfindən qarşılanacaq.
Proqrama qoşulmaq istəyən tələbələr https://forms.gle/r1URi2be9ZTLJuhd9 linkində (son tarix: 30 noyabr 2024-cü il) onlayn ərizə doldurmalıdırlar. Ərizə ilə müraciət edən tələbələr transkript, təhsil haqqında sertifikat, xarici pasport, fotoşəkil və müvafiq qaydada doldurulmuş ərizə formasının skan edilmiş surətlərini təqdim etməlidirlər.
Əlavə məlumat üçün [email protected] elektron poçt ünvanı ilə əlaqə saxlamaq, həmçinin @international_enu “Instagram” səhifəsinə suallar ünvanlamaq mümkündür.
Sənədləri eyni zamanda [email protected] email ünvanına göndərmək xahiş olunur.