BDU-da 74-cü Beynəlxalq Astronavtika Konqresi çərçivəsində “Kosmos hüququ” mövzusunda işçi seminar keçiriləcək
2023-cü il 2-6 oktyabr tarixində Bakıda keçiriləcək 74-cü Beynəlxalq Astronavtika Konqresi çərçivəsində Azərbaycan Respublikasının Kosmik Agentliyi (Azərkosmos) və Bakı Dövlət Universitetinin (BDU) birgə təşkilatçılığı ilə BDU-nun tələbələri və gənc tədqiqatçıları üçün “Kosmos hüququ” mövzusunda işçi seminar keçiriləcək.
Seminarda Avstraliyanın Qərbi Sidney Universitetinin (Western Sydney University) fəxri professoru Steven Freeland “Kosmik resurs fəaliyyətlərinin hüquqi aspektləri: Problemlər və çağırışlar” (Legal Aspects of Space Resource Activities: Issues and Challenges) mövzusunda və Almaniyanın Köln Universitetinin (University of Cologne) Hava Hüququ, Kiber Hüquq və Kosmos Hüququ İnstitutunun direktoru, professor Stephan Hobe “Kosmik dağıntıların azaldılması və beynəlxalq ekologiya hüququ” (Space Debris Mitigation and international environmental law) mövzularında məruzə ilə çıxış edəcəklər.
Arzu edənlər iştirak edə bilərlər.
Seminarın keçiriləcəyi yer: BDU-nun yeni tədris binası, dəyirmi zal
Tarix: 2023-cü il 4 oktyabr, saat: 15:00 - 16:30