AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) nəzdində Fizika Problemləri Elmi-Tədqiqat İnstitutunun Biofizika şöbəsinin böyük laborantı Zəhra Qasımova vəfat edib.

Zəhra Qasımova 1971-ci il dekabrın 5-də Bakı şəhərində anadan olub. O, 1978-1988-ci illərdə Binəqədi rayonu 102 nömrəli tam orta məktəbdə, 1989-1994-cü illərdə BDU-nun Tətbiqi riyaziyyat və kibernetika fakültəsində təhsil alıb. 1995-ci ildə BDU-nun Fizika fakültəsində laborant kimi əmək fəaliyyətinə başlayıb. 1999-2005-ci illərdə “Ozon generatorları” elmi-tədqiqat laboratoriyasının baş laborantı vəzifəsində çalışıb. 2005-ci ildən bu günədək BDU-nun nəzdində Fizika Problemləri Elmi-Tədqiqat İnstitutunun Biofizika şöbəsinin böyük laborantı vəzifəsində işləyirdi. O həm də, 2007-ci ildən BDU-nun nəzdində “Gənc istedadlar” liseyinin informatika müəllimi kimi fəaliyyət göstərib. 

Fizika Problemləri Elmi-Tədqiqat İnstitutunun kollektivi Zəhra Qasımovanın vəfatından kədərlənir, ailəsinə dərin hüznlə başsağlığı verir.

Allah rəhmət eləsin!