Bakı Dövlət Universitetinin nəzdində Fizika Problemləri Elmi-Tədqiqat İnstitutunun “Kondensə olunmuş hal fizikası şöbəsin” şöbəsinin əməkdaşları Namiq Dərvişov və Vidadi Bağıyevin “NaBi(WO4)2 monokristallarında qadağan olunmuş zonanın temperaturdan asılılıgı” (Temperature dependent bandgap in NaBi(WO4)2 single crystals) adlı məqaləsi Q2 kvartil kateqoriyalı jurnallar siyahısında yer alan, İF=2,44 olan “Optik” jurnalında (Optik Volume 258, May 2022, 168811) dərc edilmişdir.
Çoxralski üsulu ilə yetişdirilmiş NaBi(WO4)2 mono kristalının optik xassələri tədqiq edilmişdir. Rentgen şüalarının diffraksiyası ilə aparılan tədqiqatlar bu kristalın şeelit tetraqonal quruluşlu olmasını göstərmişdir. Kristalın optik xassələri 10-300 K temperatur intervalında tədqiq edilmişdir. Temperaturun azalması ilə udulma kənarının daha yüksək enerjilərə tərəf sürüşməsi müşahidə olunmuşdur. K. Varşni modeli nəzərə alınmaqla qadağan olunmuş zonanın temperaturdan asılılığı tədqiq edilmişdir. Təcrübi nəticələrə əsasən 0 K-də gadağan olunmuş zonanın eni, onun temperaturdan dəyişmə sürəti və Debay temperaturu (Eg(0) = 3,61 eV, γ = − 8,83 × 10− 4 eV/K və β = 456 K) təyin edilmişdir.
Məqalənin linki: https://doi.org/10.1016/j.ijleo.2022.168811