BDU THİK-in üzvləri Hərbi Memorial Məzarlığı ziyarət ediblər
Bakı Dövlət Universiteti (BDU) Tələbə Həmkarlar İttifaqı Komitəsinin (THİK) Filologiya fakültəsi üzrə üzvləri Hərbi Memorial Məzarlığı ziyarət edib.
Azərbaycanın müstəqilliyi və ərazi bütövlüyünün təmin olunması uğrunda şəhidlik zirvəsinə ucalan Vətən övladlarının xatirəsi ehtiramla yad edilib. Tələbələr şəhidlərimizin ruhlarına dualar oxuyub, məzarları üzərinə gül dəstələri düzüblər.
Qeyd edək ki, Vətən müharibəsinin beşinci ildönümü çərçivəsində Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığı ilə Hərbi Memorial Məzarlıqda genişmiqyaslı bərpa işləri həyata keçirilib. 12 Milli Qəhrəman, 11 Vətən Müharibəsi Qəhrəmanı olmaqla, ümumilikdə 670 şəhidin uyuduğu bu məkanda 44 günlük Vətən müharibəsini simvolizə edən monumental abidə inşa edilib. Həmçinin 44 günlük Vətən müharibəsində hər bir günü, məlumatları, hadisələri özündə əks etdirən lövhələr ucaldılıb.
