BDU-nun şəhid məzunu Ataməli Musaoğlunun ailəsi ziyarət olunub
Sosial iş kafedrasının müdiri Üzeyir Şəfiyev şəhidin anası ilə söhbət zamanı Atəməli Musaoğlunun tələbəlik illərində örnək hərəkətləri ilə tələbə yoldaşlarına nümunə olduğunu bildirib. Qeyd edib ki, qəhrəman şəhidimiz Vətən müharibəsində göstərdiyi fədakarlıq, yüksəldiyi şəhidlik zirvəsi ilə də gənclərimizin vətənpərvərlik ruhunda tərbiyəsində əvəzsiz rol oynayır.
Kafedranın əməkdaşları şəhidin ailəsinə mənəvi-psixoloji dəstəklərini ifadə ediblər.
Qeyd edək ki, Ataməli Musaoğlu 2012-2016-ci illərdə BDU-nun Sosial elmlər və psixologiya fakültəsində təhsil alıb. Psixoloq kimi fəaliyyət göstərən Ataməli Musaoğlu 2020-ci ildə könüllü olaraq ordu sıralarına qoşulub və oktyabrın 16-da Ağdərə rayonu istiqamətində gedən döyüşlərdə yaralı dostunu xilas edərkən düşmən snayperinin açdığı atəş nəticəsində şəhidlik zirvəsinə ucalıb.